Quanno nascette ninno

Quanno nascette ninno

Quanno nascette Ninno a Betlemme
eva notte e pareva mieziuorno.
Mai li stelle lustre e belle se vedettero accussì,
e ’a cchiù lucente
iette a chiammà li Magi all’uriente.


De presso se scetarono l’aucielle
cantanno de ’na forma tutta nova.
Pure ’e grilli cu li strilli e zumpanno accà e allà:
«È nato! È nato!»,
dicevano, «lu Dio che ’n c’ha creato».


Cu tutto ch’era vierno, Ninno bello,
nascettero a migliara rose e sciure.
Pure ’o ffieno sicco e tuosto ca fu puosto sotto a Te
s’infigliulette e de frunnelle e sciure se vestette.


Guardavano li pecore ’e pasture,
e n’angelo splennente chiù d’o sole
cumparette e le dicette: «Non vi spaventate, no»,
cuntente e riso, la terra è addeventata Paradiso.


Se revutaje ’nzomma tutt’o munno,


’o cielo, ’a terra, ’o mare e tutt’a gente
che durmeva se senteva ’mpietto ’o core pazzià
e ’na priezza, e se sunnava pace e contentezza.